საოცრებათა პარკი ბათუმის ზღვისპირა ბულვარის დასაწყისშია გაშენებული და მისი დიზაინი ისეა გადაწყვეტილი, რომ დამთვალიერებელი პატარა ბილიკების საშუალებით ათვალიერებს პარკში განლაგებულ ღირშესანიშნაობებს, რომელთა შორისაცაა თანამედროვე არქიტექტურის ისეთი ნიმუშები, როგორიცაა ანბანის კოშკი, ალი და ნინოს სიყვარულის ქანდაკება, პანორამული ბორბალი, ბათუმის შუქურა, ქანდაკება ,,მე, შენ და ბათუმი”. საოცრებათა პარკი სხვადასხვა კონცერტებისა და ფესტივალების ჩატარების ადგილიცაა.