აჭარაში 2012 წლიდან ყოველწლიურად ტარდება ბათუმის ფრინველთა საერთაშორისო ფესტივალი, რომელიც ფრინველებზე დაკვირვების მოყვარულთათვის მნიშვნელოვანი მოვლენაა და მის ფარგლებში ბევრი უცხოელი ბერდვოჩერი სტუმრობს სექტემბერში რეგიონს. ბათუმის ფრინველების საერთაშორისო ფესტივალი აჭარის ტურიზმისა და კურორტების დეპარტამენტის მხარდაჭერით ტარდება.

ფესტივალის ფარგლებში ტარდება გასვლითი ექსკურსიები ფრინველებზე დაკვირვების ადგილებში და თემატური კონფერენციები, რომლებშიც მონაწილეობენ როგორც ქართველი, ასევე უცხოელი ექსპერტები.