განთავსება: საოჯახო სასტუმროს შეუძლია ერთდროულად 10-12 სტუმრის მიღება

საუკეთესო დრო ვიზიტისათვის: ივლისი-სექტემბერი

აქტივობა/სერვისი: საფეხმავლო ტური სოფელ გობრონეთის გარშემო, ადგილობრივი ბუნებისა და კულტურის ძეგლების მონახულება, ქართული ტრადიციული კერძების დაგემოვნება, აგროტური - აჭარის სოფლის ცხოვრების, ადგილობრივი მეურნეობის მართვის ტრადიციული ხერხების გაცნობა: ოჯახური სამჭედლოს დათვალიერება, ფუტკრის სკების მოვლა და თაფლის წარმოება,რძის პროდუქტების მომზადება, მიწათმოქმედება - თუთუნის მოყვანა, საქონლის მოვლა, პროდუქციის შენახვა და სხვა.

დამატებითი აქტივობა: ტურისტებს შეუძლიათ მოინახულონ წონიარისის ისტორიული ხიდი, რომელიც მდებარეობს გობრონეთიდან 3 კილომეტრში, ამავე სახელწოდების მდინარეზე, ბათუმი-ახალციხის ცენტრალური მაგისტრალიდან დაშორებულია 3 კილომეტრით. ხიდი აშენებულია XII საუკუნეში. იგი აჭარისწყლის ხეობას კინტრიშის ხეობასა და გურიის სოფლებთან აკავშირებდა. ხიდი რესტავრირებულია. იგი დღესაც ასრულებს თავის დანიშნულებას.